Passport a Israeli Visa Kitat:

Passport a Israeli Visa Kitat:
 
Na passport’a Israeli visa akita khah’a ahileh Arab gam ijatham khat’a nakhuoljin theilou ding ahi. Arab gam ijatham khat hin Israel toh kihethiemtuona anei uvin, Israel na jin jouva, hiche gamho chu najin noma ahileh akhoh poi. Hinlah, Arab gam adangse vang nachethei louding ahitai. Hitobang gam hohi ipitiuvem itileh, a passport sung’a Israeli visa kitat mikhat in agamsung’u ahung phah sang’a thiding datthei jo ahiuve.

Vangphat umtah in Arab gam holah’a Israel toh kinaicha umkhom Jordan leh Egypt in Israel visa neiho jong agamsung uva alutsah un ahi. Syria leh Lebanon in vang, koi hileh a passport sung’a Israel te stamp kitat amuphot uleh alutsah pouve.

Anoiya Arab/Muslim gam hohin a passport'a Israeli stamp kitat ho alutsah uve:
United Arab Emirates, Egypt, Jordan, Oman, Morocco.

Anoiya gam hohin, koi hileh a passport a Israeli stamp kitat ho alutsah pouve :
Syria, Lebanon, Libya, Kuwait, Iran, Iraq, Pakistan, Saudi Arabia, Sudan, Yemen.

Anoiya gam hohin Israeli passport neiho jong alutsah uve:
Bahrain, Egypt, Tunisia, Jordan, Qatar, Oman, Morocco, Mauritania, 

Itiham khat’a Israel nakhuoljin jouva Arab gamho nache noma ahileh, passport dang khat kisiem le chun hoipen inte.

Alankhat’ah, Arab gamho nakholjin jouva Israel gam nalut’a ahileh akhohna imacha aumpoi. Hinlah thudoh ijat hamkhat vang nadoh diu ahi. Palestinian Authority ho gamsung’a nalut nomleh thudoh khoudeu ding, West Bank nachielut noma ahilouleh, Nablus or Jenin tiho nache noma ahileh, thudoh khohdehset ding ahi. Hinlah hiche hoa ding’a chu visa namumaithei ahi, namutah’a ahileh, Tel Aviv, Jerushalem leh Dead sea kitiho a naluthei louding ahi. Bethlehem kho hi Palestine te gamsung’a aumvang in, Tourist munpi khat ahijeh in akhohpoi. Israel visa naneiya ahileh Israel gamsung bou navetthei ahi, hinlah Palestinian ten atoupha nau gam ho navetnoma ahileh visa nakilah ngai ahi.