Welcome Home! Bnei Menashe !

Shavei Israel is trying to bring home the lost tribe of Israel, the Bnei Menashe! this summer.

Know about financial benefits

Know yours rights for Sal klita and other benefits.

Housing benefits

New Olim have Discount on rent and other subsides

Tour the holyland

How to travel throughout Israel, study and educational guides

Universities, college and schools in Israel

How to register with Students Authority and get free tuition fees.

Send Free SMS within Israel



Israel gamsung'a SMS free a nathot noma ahileh, Orange ten a website uvah SMS manbeiya thot theiya ding anei uvin ahi. Orange Mobile Number naneiya ahileh, amaho website'a nalut'a na Number na type lutding chujou teng CODE nahin lethot diu, hiche code chu naman'a nalut ding, chujou teng Sign-up nabol ngaikit ding ahi.


Israel gamsung'a SMS free:


A website uchu ahileh www.orange.co.il ahi, Hebrew'a ahijeh in, ahethei lou hon English Translation Page navet nom uleh hiche hi veuvin..
..http://translate.google.co.il/translate?hl=en&sl=iw&u=http://www.orange.co.il/&prev=/search%3Fq%3Dorange.co.il%26hl%3Den%26biw%3D1920%26bih%3D920%26prmd%3Dimvnsz&sa=X&ei=xosCULSnCc-O4gSPkcWaCA&ved=0CGMQ7gEwAA

Enjoy!


Books in Kuki

PRINT BY ORDER (only in Israel)
JEWISH LEKHABU EIPAOVA KILEDOH
MIJOUSE SIMTHEI DING'A  KIBOL, TEHSEHON JONG BAILAMTAH'A ASIMTHEINA DIUVA JEMKHOU TAH'A KITAT LEKHABU HO AHI. 
Adei aumleh, ph ahilouleh Email a order bolthei ahi. hiche lekhaho hi published akibolnaipoi. Hinlah, order dungjuiya kibolding ahi. Aman nahetnom leh neikou uvin : 0543315792 or email : yonathanhaokip@gmail.com




This is tehillim in Kuki.
Translated, Transliterated and translation of commentary of Tehillim in Kuki
Includes, Perek Shira, Iggereth HaRamban, Seder Seudat Amenim & Teffilha Haderech
Awating to be Published. Will probably be printed in Hard-cover and will be 672 pages. Booklet size(A6) (quater of A4). Hiche lekhabu hi H'shem phatsah ahileh lhakit leh ki print doh ding ahitai.


 This version of Tehillim (Psalm) is only in Kuki and A5 size (Half of A4), Soft-cover, 208 pages





Tikkun HaKlali in Kuki
A5 Size, 32 pages, Soft-covere

Messilat Yesharim in KUKI
comes in 2 size (A4 = 60 pages) and A5 = 112 pages

THUPIEH 613 (613 MITZVOTH)
List of 613 commandment as listed by RAMBAM, size=A5, pages=50, soft-cover


PEREK SHIRA
size=A5, Pages = 24, soft-cover.

 Bnei Menashe Numeiho Rosh Khodesh Kimanchahna
Seder Seudat Amenim, size=A5, page 20, soft cover.


Note : All the above books that I have made are not yet published, however it will be Print by Order.
To know the price and order contact Yonathan Haokip 0543315792 or email: yonathanhaokip@gmail.com

ENJOY!

BAZAAR TIPS

BAZAAR TIPS

Israel gam kumkhat val kaumtan, hetding’a lomjouse kahejoupoi. Gamneocha tia noise ding vang ahibehseh poi. Niseh leh athahbeh kihebe jingjeng thei ahi. Hetding kiti hi achaina aumpoi.Thil umdan hojouse hi, abangkha hohi ahahsalamtah’a kahetdoh ngen ahin, atamjo vang min eiseipeh akuon’a kahet ngen chuleh kadohthu a kahet jong atam’e.

Thil kijoh jouse hi Hebrew pao in akijihsuoh keiyin, english’a kijih alhome.

Thil kijoh jouse hi expiry date aumsoh keiyin, adeh’a bongnoi leh bread (lekhem) hohi expiry date hoitah’a vet angaiye, hiche hohi akichaivah in ahi.

Israel gama Dustbin (Trash can) hi Litre ijat dol ham, ti dunjuiyin akicho in, asung’a thap ding plastic bag hohi centimeter in akicho in ahi.

Israel gamsung’a mun atamjo’a hin insung’a nehding thil ho (Grocery) ichoh teng, Delivery Option (inn’a amahon eithahpeh theinau lampi) aumin ahi. Abangkhat chun sum alauvin, atampen’a shekel 10 to 25 ahijin ahi, abangkhat chun athahman free ahi. Adeh in Kiryat Arba lang’a thil shekel 100 manval nachoh’a ahileh free a nathah peh diu ahi.



Grocery store neoho’a hin thil akimpoi, hinlah SHUK (Market) lien ho a vang insung’a manchah ding’a idei jouse alhingsuoh keiye. Vetsah na in, Makhane Yehuda shuk (Jerushalem) muna khun imajouse akimusoh keiyin, mundang’a namulou thilho jong hilai muna hi bailam tah’a namuthei ahin, thilman jong alhome. Hilai muna hi bong-sasung, savun, amit etc. ho namuding ahi.

Bongnoiya kisiem ho nachoh teng, thao ijat jaovem tin fat percentage ho akijihsoh keiye.

Sa (Bongsa) nachoh teng, atum-tumin aumin, a number dungjuiya kicho ahi. Tekah nan, amalphe hi number 6 ahin, amanjong atamin, adah-phe number 8 ahin, hitobang chun bongsa kijohna jouse’ah, bong lim toh number aumsoh keiyin, het ahahsapon ahi. Ice lah’a kikoi bongsa ho sangin, ahunglhungthah ice a kikoiloulai ho aman atamjep’e.

Ahsa hi apum’a jong nachoh thei ahi. Hinlah apum hilouva, achuombeh’a nadudeu, tichu, ah-kang, amalphe, alha, alol-gu, ah-thin, tiho nadu jongleh achuombeh in akijoh kit in ahi.

Alhangpia Israel gamsung’a thil kimanna pen hi RAMY LEVY te ahiuve. Ramy Levy kiti hi super-market min ahin, israel gamsung muntin’a Dukan-lien anei u ahi. Hapta khat sung’a thil kiman nipen tijong aumkit in, tekah nan Ramy Levy te hin Thursday niseh leh kimantah in thil ajohjiuve.

Hitobang’a thil kijohna mun hi atama tam ahin, hinlah alhangpia thil umdan hi akibang suoh keiye.
Alhangpia thil mantanna mun chu ahileh : Mega Ba’lr, Shufersal Sheli
Thil kimanjepna : Mega, Shufersal Big, Mr. Zol
Thil Kimanna : Mega Bool, Shufersal Deal
Akimanna pen chu : Kharedi ho chenna muna um Yesh, Shefa Shuk, kiti ho ahi.
Atamjo a thil kimanna pen vang chu ahileh Ramy Levy te ahiuve.

Dukan-lien neijouse hin, amaho dukan’a thil choh nopjep nading leh discount umtheina dingin, a customer hohi CARD asiempieh kit un ahi. Hiche ho nakisiem’a naneiya ahileh, thil atamjo a discount namuding ahikite. Hiche jeh’a hi, thil nachoh’a sum napieh kiguot teng, “Kartis-Mo’adon” nanei em, tin nahindong masapen inte.

Thil nachohpet’a sum naneilouva ahileh, na bank card napieh’a, lhakit teng amahon sum anakilah diuva naseithei ahi. Hiche hi hebrew pao ah “Tashlum/im” akitin

Hichena ding’a hi na bank te koma, hitobang’a sum nanei louteng, ahilouleh na bank bank balang chu zero ahiteng, sum ijat hamkhat nakilahdoh theikit nading’a nakiseithei ahi.

Israel gama hin thil tena hi india a toh akibang in, Kilogram amang uvin ahi.

Lekhabu nachoh noma ahileh, book store a nache ngai ahi. English lekhabu hi amuhah in ahi.

Thilcho’a nache’a Car/gari natolteng, parking naholmo maithei ahi. Israel’a parking law hi akhoudehset in ahi. Lampam’a nakingah teng vele-le lechun automatic’a sumpehna ding mun (Kiosk) umding, hilaiya chu ticket nakilah ding, nahungpot doh dingkuon teng sum napieh’a potdohnathei ticket nakilah ding ahi. Lampam’a parking nabolteng, Kiosk tobang umkit nalai ahi, alhompen’a 10 shekel napeh’a pungkal 1 nakingah thei ahi, pungkal chu anakichaitah’a ahileh POLICE koma hijeng ahi. Hijeh’a hi aphapen chu ahileh, EASY PARK kiti electronic device khat aumin, hiche hi Post Office ah kijoh intin, nakicho’a, amaho koma sum napieh masat teng, car parking mun’a chu sumpieh ngailou chuleh boina umlouva nakingah jengthei ahi. Hiche sang’a hoijo khat aum kit in, Pango akitin http://english.4500.co.il, hiche hi Phone akuona sum napiehtheina ahi.

Israel gama english cinema hohi atamjo Hebrew’a kiledoh suohkei ahi.

Israel gama nikho-kum-le-lha kijih dan hi European style ajui un : Day/Month/year. India a toh kibang ahi.

Tehse kumtam, pasal kum 60 apat chunglam holeh numei kum 65 apat chunglam sese hi Egged bus a bhara jat akehkhat alahjiu ahi.

Israel gam hi gamthieng ahitoh kilhon in agamsung jong athieng in, nehthei naneh’a abom mohpaimang kiti aumpoi. Apaina ding mun Dustbin hi lampam jouse’ah aumsoh keiyin, nehthei naneh’a dustbin agamlat leh, nasakhao’a nakuo a dustbin umna mun naphah teng napai ding angaiye.

Inn lang bang’a dammo phat leh inop nop’a damdoi choh thei ahipoi. Achohna ding mun jong aumpoi. Doctor pun lekha nasutpeh louleh, pharmacy te akuona lou chohdoh ding vang kinem hih in. Hiche chung chuona chun dammo teng hospital a naum a ahileh sum angaipoi. Dammo chungchang hi Israel ten akhohsah un ahi.

Israel’a english Newspaper hetthei domho chu ahileh Jerushalem Post, Haaretz ahi, aman atamin niseh’a copy khat’a shekel 15 or 19 hijeng ahi. Hebrew newspaper ho vang aman alhomin, manbeiya kimujong aume.

Forbes Israel: Israel'a Rabbi Haopen Ho

Israel Rabbi Billionaires:
 
Forbes Israel in Israel gamsung'a Rabbi haopen ho alhendoh nalah uva chun Kabbalist Rabbi minthang Baba Seli (Rabbi Israel Abuhatzeira) tupa-chapa (tuson), Pinkhas Abuhatzeira hi Rabbi holah'a ahaosapen in atahlang uve. Ama nei-le-gou jat ahileh NIS(New Israeli Shekel) 1.3 billion. Ama bantah'a ahaosapen chu ahileh, Abuhatzeira te innsung mama, Rabbi Baruch Abuhatzeira ahi, ama neijat chu ahileh 50 million NIS ahi.

Rabbi Pinkhas Abuhatzeira

Israel gamsung'a Rabbi haosapen som (Top 10) hochu ahileh :

1. Rabbi Pinchas Abuhatzeira – NIS 1,300,000,000
2. Rabbi David Abuhatzeira – NIS 750,000,000
3. Rabbi Yaakov Aryeh Alter – NIS 350,000,000
4. Rabbi Yissachar Dov Rokeaḥ – NIS 180,000,000
5. Rabbi Nir Ben Artzi – NIS 100,000,000
6. Rabbi Yaakov Ifargin – NIS 75,000,000
7. Rabbi Yeshayahu Pinto – NIS 75,000,000
8. Rabbi Baruch Abuhatzeira – NIS 50,000,000
9. Rabbi Reuven Elbaz – NIS 40,000,000
10. Rabbi Yoram Abargil – NIS 35,000,000

(Sources :Forbes Israel June 10, 2012)

Israel National symbol

Israel National Symbols

1. National Flag : 1897 kuma Zionism congress te flag ding'a ansiem uchu, 28 October 1948 nikhon, Israel National Flag a manden dingin anaphuongdoh uvin ahi.


2. Emblem : Menolim (Thaomei khomsagi) alaiya uma, Olive thingna in aumkol. Hiche hi Gabriel and Maxim Shamir, ucha tenin asiemdohlhon anahin, mi tamtah kitetna lah'a amanisiem hi 10 February 1949 nia Israel national emblem ding'a analhendoh u ahitai.

3. National Anthem : HaTikva (Kinepna), hiche laa hi 1878 kuma  Naphtali Herz Imber in anasiem ahi. Israel gama ahungpemlut jou 1897 kum chun Zionist Movement hon First Zionist Congress kikhopna aneinauva chun Zionist Anthem dingin anaphatsah un ahi. Alacheng hohi themkhat akhel un, hiche laa hi vannoiya National anthem holah'a ding'a Minor-Key'a kikai, hiche bou hi ahi. Alakai hi lunghel aume, hinlah athucheng ho sung'a hin Kinepna leh lungletna bou aseiyin ahi.

4. National Bird : May 2008 kum chun, Israel in Independence amujou ukal kum 60 lhinna toh kitoh in National bird alheng un ahi. Vacha 1000 jen kitetna a chun Hoopoe hin vote amutampenin, hijeh chun National bird dingin phuondoh anahitai. Hiche toh anakitet chu Vapal anahin, vangset umtah in Vapal anachangjou tapoi.

5. Israel National flower : 2007 kum chun pahcha kilhenna ah, Cyclamen kiti pahcha jatkhat hi Israel national flower dingin analhengdoh uvin ahi.

6. National Dog : Canaan Uicha hi Israel gamsung'a kuon ahijeh in ama hi National Dog dingin 1966 kum chun anakilhengdoh in ahi.

7. National Tree : September 2007 kum chun Olive thing hi Israel National Tree dingin analhengdoh uvin ahi.







Dual Citizenship

OVERSEAS CITIZENSHIP OF INDIA (OCI) &
PERSONS OF INDIAN ORIGIN (PIO)

Indian constitution dunjuiyin, mikhat chun Indian Citizenship aneiya chuleh gamdang citizenship aneikop ding aphalpoi. Hijeh chun Indian Govt. in Indian mi hiya, gampam’a citizenship nei hodingin, Overseas Citizenship of India (OCI) kiti ahin podoh un ahi. Hiche hi Dual Citizenship kiti chu ahi.

OCI ahilouleh Dual citizenship neihon vang, India gamsung’a vote alhahtheilou diu, chuleh politics panmun hojouse jong atuthei loudiu ahi.

Dual citizenship naneiteng:
  1. Israel leh India kikah’a nanop phat leh nache’a nakile jing thei ahi. Hiche’a ding’a hin visa del angai tapoi.
  2. Nathi kahsea nanop-nop’a nakile jing thei ahi. India’a na umsung’a jong police hokoma report nakibol ngaitalou ding ahi.
  3. NRI (Non-Resident India) hotoh akibahnau chu ahileh, India gama’ sum aneithei u, business abolthei chuleh lekha jong asimthei u ahi. Hinlah loubolna ding mun ahilouleh Thing-le-lou abolthei lou ding ahi.
  4. Apply bolnom hon Apply
  5. Apply nabol teng angaicha ding ho :
    1. Israel gammi nahi proof (tichu Israel ID)
    2. India mi nahipa proof (India passport/ domicile etc)
  6. Application fee 1375 NIS per head
  7. PIO card naneiya ahileh vang shekel 125 bou lutding ahi.
  8. Application ho hi napieh chai teng, OCI namuna ding’a ni 30 lutding ahi, hiche sung’a hi verification chelhading ahi.

PIO
Koiho hi PIO ham? Koihileh Indian mi anahisa, ahilouleh anu-apa-api-apu chu indian mi anahi’a, tupet’a gamdang’a cheng’a, gamdang passport nei ho, ahilouleh India passport neiya gamdang’a achenjeh’a gamdangte passport neita, ajinu/ajipa chu India mi, hicheho hi Person of Indian Origin (PIO) ahi.

PIO hohin ipi phatchuona amuthei uvem:
  1. India kholjin nom ahiuleh, visa angaipoi.
  2. India a lekha simnom ahiuleh achuombeh a student visa angaipoi
  3. India a natong nom ahiule, Employment visa angaipoi.
  4. Airport alhunteng uleh boina atuolouna diuvin amaho a din check-post achuombeh in aumin ahi.
  5. India aumsung uva lha 6 sehleh Registration office a soi akaijing u angaiye.
  6. PIO card neiho hin, India gam’a business abolthei u, lekha asimthei, inn akichoh thei, etc. hinlah Loubolnading’a loumun achohtheilou chuleh Political Rights ima aneilou ding ahi.
PIO card siemna dingin hapta 2 vel alut’e. PIO card hi kum 15 chan Valid ahi. Hinlah aneipa passport chu itihchan valid hi em, hiche dungjuiya jong kivekit ding ahi.

PIO card hi dandihloutah’a nabol ham ahilouleh, hiche toh kilhona Indian daan toh kitoh louva nauma ahileh Govt. in apet’pet’a asuhmang theina tha aneiyin ahi.

PIO card apply nabol teng document ngaicha ding hochu ahileh : birth certificate, educational certificate, marriage certificate, domicile. Chuleh Indian mi ahimong mong nai tia kihetna lekha jong ngaiding ahi.

NRI, PIO, PIO card holder chuleh OCI

NRI (Non-Resident India): India Citizenship leh India passport neiya gamdang’a cheng ho ahiuve, amahohin India gam’a chengden hotoh kibangchet in imalam jouse in tha anei uvin ahi.

PIO (Person of India Origin): Ahungkuondohna bul chu India hi, Indian mi hia Gamdang’a cheng, anu-apa-api-apu indian mi hi, ajipa/ajinu india mi hi. Amaho hin India acheseh uleh visa angaichavin ahi.

PIO Card Neiho: PIO hiya, PIO card neiho, hiche card neina dingin kahetkhiel louleh shekel 1500 vel hinte, chapang ho ahileh shekel 750 hinte. Hiche card neiho din kum 15 sung’a India chena ding’a visa ngailou ding ahi.

OCI (Overseas citizenship of India): India gama pat gamdang’a pemlut’a gamdang citizenship neiho ahi. Hiche hi Dual citizenship jong akitin, hiche hi neiho dingin, ahinkho sung uva Indian visa ngaitalou, anophat phat uleh kile jing thei u ahi. India gam’a anopchan chengthei ahi.

Israel a um eimi ijatham khat in jong Dual citizenship aneitauvin ahi. Hiche hi Tel-Aviv a India embassy a nakibolthei u ahi.

Facts about Israel

Facts about Israel
  1. Israel hi vannoiya lekhathiem tamna munkhat ahi. University Degrees mujat tamna pen ahi.
  2. Vannoiya Company hoipenho umna ahi. Vannoiya NASDAQ list a ding’a Israel hi asangpen ahi.
  3. US bana, Israel Air Force a pilot hohi vannoiya ding’a athiempen ahitauve. Israel leh US kah’a galmanchah lang’a kihethiemtuona leh Traning ho abolkhom jing jeh ahi.
  4. Middle-East gamsung’a hin government (kivaipohna) jatchuom chuom aumin, hiche lah’a hin Israel bou hi Democracy gam ahi
  5. Israel gama Meccabi Basketball team chun 2001 chun European championship analauvin ahi. Hinlah, Israel gama, Football tobang’a minthang ahiloujeh in koiman ana ngaisang pouve.
  6. Vannoiya hin Israel hi high-tech company per capita asangpen in ahi. Hiche hi Israel in University holah’a Education standard asanjeh ahi.
  7. Motorola company, vannoiya Cell-phole siemdoh masapen company chu Israel gamah ana um ahi.
  8. Israel gama Dead-Sea umna mun hi Leiset chung’a mun niempen ahin, Twi-level akuona 1300 Ft. a niemlha ahi.
  9. Israel gama Official language hi Hebrew le Arabic ahi. Hinlah vannoi muntin’a business bolmi atamjo ahijeh in English pao tho atamlheh in ahi.
  10. Middle-East gamkai sung toh tekah dingin, Israel gam lietdan hi hi 100 lah’a 1 bou ahi.
  11. Israel bank note (sum) chung’a hin, mitcho hon atham tieng uleh ijat-ham ti ahettheina (braille) diuvin sum-eng’a sumjat kisun aume. Leiset chung’a hitobang hi koima gamin aneiloulai ahi.
  12. Israel gamsung’a thil kisiem jouse hi, Kosher (athieng) ahiteina ding’in asiem un ahi. Israeli stamp’a gum jengjong khu Kosher ahi.
  13. Vannoiya ding’a agamite leh school chapang hoding’a lekha chotampen hi Israel ahi.
  14. Israel soccer team hohi, 1970 kuma World-cup final’ah qualified anahiuve.
  15. Population ahileh, 7.2 million ahin, hichelah’a hin 75% hi Jews, 19.9% hi Arabs, adangse chu 4.3% ahin, hiche lah’a hin Druze hojong apang un ahi.
  16. Alhangpia mihiem hinkho hi kum 84.6 ahi. Ajeh chu Israel hin agamsung cheng jouse’a ding’a High Quality Health Care aneiteitei diuva dan anei ahi.
  17. Vannoiya, US, Mexico le Canada chuleh European Union leh European Free Trade Association tetoh Free Trade Agreement nei hi Israel tebou ahi.
  18. Lengpiju (Wine) kisiem na hi, kumseh leh athah 200 akisiemdoh jing’e.