School kaina ding nakivet teng, ahilouleh nachate ding shool navet teng, ipi school ham ti nahetmasat'a nakhuol angaiye. School kihopkhenna min ho chu ahileh:
- Mamlachti : hiche hi public school ahin, hou gut ahipoi (Non-religious or public school).
- Pluralist : Mamlachti School hithou ahivang'a, Jewish chondan, hindan leh Jewish history ho hoitah'a achepi nau school ahi.
- Mamlachti Dati : Hiche hi Religious Zionist Public School ahi.
- Mamlachti Dati Torahni : Religious Zionist Public School ahin, hiche tobang school ho'a hin Torah class jong aumin, halakha (torah daan) hojong gahtah in ajui un ahi.
- Khardal : Hiche his Kharedi Dati-Leumi kiti ahi. Hitobang school hohi Torah toh kibang'a kihilna school ahin, Torah daan khoutah'a kijuina school ahi.
- Haredi : Hitobang school hohi, hou gut mongmong'a hou kijuina school ahitan, houlam'a dia asangpen tithei ahitai
School jousea tuition fee hi Misrad Hachinuch (Ministry of Education) in aphatsah dungjuiya abol'u ahi. India lang'a school neipan school fee adeijat jat abol bang'a kibol theilou ahi. Alhangpia school fee in ahop chu ahileh : Accident Insurance , Dental Insurance, chuleh adang dang'a kimanchah na leh school excursion/trip ho a ding ahuoptha in ahi.
School kaimasang'a chapang ho umna MAON (kinder garten/KG)
- Maon tia akiseiteng, government vetkolna noiya um chapang ho kivetkolna school ahi. Hiche a ding'a sum kipe hi kum khat'a din 18,000 NIS - 25,000 NIS (News Israel Shekel) alhingjouving ahi.
- Mispacton (private Daycare) hohi ahoijep in, hinlah a fee atamjep in ahi : kumkhat sung'a din 22,800 NIS - 28,800 NIS alhingin ahi.
- Trom-Trom Khova leh Trom Khova hi chapang kum 3 leh kum 4 lhing ho kivetkolna ahi. Kumkhat fee ahileh 8000 NIS ahi. Hiche school a hin Education daan kisiem noiyah aumpouve.
- Trom-Trom Khova leh Trom Khova hi chapang kum 3 leh kum 4 lhing ho kivetkolna ahi. Kumkhat fee ahileh 250 NIS ahi. Hiche school a hin Education daan kisiem noiyah aum uve.
- Gan Khova (kinder garten) : kumkhat'a 250 NIS ahi. Gan khova jouse hi Ministry of Education daan noiya umsoh kei ahi.
Achung'a kisei hohi pemthah (Oleh khadash) nahileh sum 90% discount namunathei lampi aumin ahi. Hichena ding'a hin nachenna Municipality council hokoma nakidohchen angaiye.
Aliyah naboljou kum 2 sung'a hi, numei chanei hon government a kuona kithopina amuthei u ahi. Hiche kithopina hi numei chaneiya lakha simnalai (BA or MA degreee) honjong achombeh'a kithopina amuthei kit u ahi.
Mamlachti (public), mamlachti-Dati (public-religious), leh Haredi (Beith yaacov) school ho'a tuition fee ahileh :
- Class 1 apat 6 : kumkhat'a 575-950 NIS
- Class 7 apat 9 : kumkhat'a 1,100 NIS
- Class 10 apat 12 : kumkhat'a 1200 - 1400 NIS
Semi-Privat school ho :
- Class 1 apat 6 : kumkhat'a 2000-6000 NIS
- Class 7 apat 9 : kumkhat'a 3000-6000 NIS
- Class 10 apat 12 : kumkhat'a 5000-15000 NIS
School BUS
Innko abangkhat chu school'a pat gamla tah'a achen'a ahileh, chele-vale man chun Municipality ahilouleh Moetza leh Misrad Hachinuch (ministry of education) on aman apiehpeh diu ahi. (2 kilometer for KG - class 4 simlai ho; 3 kilometer for class 5 - class 12 simlai ho). Achenna mun agamlhat behseh'a ahileh public bus ticket amuthei u ahi, ahilouva ahileh, hiche gamsung'a dia student ho'a ding'a BUS kigonpeh'a touthei ding ahiuve.
Elbai ahilouleh tahsa bukimlou hovang hoilai cheng jong leu amaho'a ding mongmong'a govt. in gari aguonpeh ding ahi.
LEKHA
School abangkhat in student hodin lekhabu apejiuvin ahi. Hijengjongleh, school atamjon, apehloujeh un minu-mipa ten chapang hoding'a achohpeh diu ahi. School Lekhabu hohi lekhabu kijohna munjousea kijoh ahi. Class sangjep hoa din lekhabu manjong atamjep jie.
School jouseah school School Group Activity aumsoh keiyin. Mijousen aman aman bolnomna jouse'a pangsuoh keiding ahiuve. Group activities a jaotheina hochu, Sports, Dance, Art, Torah, Martial Arts, Scouting leh adang dang ahi. Hiche'a hi haptakhat leh khatve, punkah khat sung hiding ahi. Abangkhat chun niseh'a school kikhen sehleh boljong aumin ahi. Hiche'a ding'a lhaseh'a fee ahileh 80-150 NIS ahi.
